Registerreimhavari eit år/25.000 km før intervall
Har eit problem ang. registerreimhavari på bilen min.
Bilen er 2005 Mitsubishi Outlander, 2-liter bensin, som har gått ca. 151.000 km.
- Mars 2011:
Registerreima vart skifta hos merkjeverkstad 30. Mars 2011, på 85.903 km. Denne har eg fått opplyst har intervall på 6 år, og 90.000 km.
27.03.2016:
Registerreima rauk så 27.03.2016, etter fem år, og ca. 65.000 km. Dermed har registerreima ein "resttid" på omlag eit år, og 25.000 km.
30.03.2016:
Fekk den så til ein lokal verkstad, 30.03.2016. Ifølge dei går motoren rundt, men det er ingen kompresjon. Mekanikar spurte om registerreima hadde blitt skifta nokontid, då den såg "morkna og gammal" ut.
Har fått prisoverslag frå verkstaden som utførte arbeidet, på cirka 30.000 kroner, for reperasjon av bilen.
Kva ansvar og garanti har merkjeverkstadar som nyttar originale delar på utført arbeid, og levetid på deler? Kva vern har eg som bileigar når deler og utført arbeid ikkje tilfredstiller dei forventingane som er gitt, som i dette tilfelle registerreimskifte?
Nokon som har tips og råd i samband med denne saka? Har sjølvsagt trua på at verkstaden som utførte arbeidet ikkje vil ta noko ansvar for dette, så vil difor få litt tips og råd før eg dreg saka over til dei.